ପଞ୍ଚ ସଖାଙ୍କ ମଧ୍ୟରୁ ଅନ୍ୟତମ ମହାପୁରୁଷ ବଳରାମ ଦାସଙ୍କ ସମାଧି ପୀଠ ପୁରୀର ସମଗରା ଠାରେ ଜନ୍ମ ଜୟନ୍ତୀ ମହାସମାରୋହ ରେ ପାଳିତ ହୋଇଯାଇଛି |  

ଗତକାଲି ପଞ୍ଚସଖା ମଧ୍ୟରୁଅନ୍ୟତମ ବଳରାମ ଦାସଙ୍କ ଜନ୍ମ ଜୟନ୍ତୀ ସମଗରା ସ୍ଥିତ ବଳରାମ ଦାସ ମଠ ପରିସରରେ ମହାଡ଼ମ୍ବରରେ ପାଳନ କରାଯାଇଛି l ସକାଳୁ ମଠ ପରିସରରେ ହଜାର ହଜାର ଭକ୍ତଙ୍କ ସମାଗମ ହେବା ସହ ଅଷ୍ଟ ପ୍ରହରୀ ନାମ ଯଜ୍ଞ ରେ ପ୍ରକମ୍ପିତ ହୋଇଥିଲା ସମଗରା ଅଞ୍ଚଳ | ସନ୍ଧ୍ୟା ସମୟରେ ଆଖ ପାଖ ଅଞ୍ଚଳରୁ ଶ୍ରଦ୍ଧାଳୁ ଭକ୍ତ ମାନେ ଯୋଗଦାନ କରି ବଳରାମ ଦାସଙ୍କ ସମାଧି ଦର୍ଶନ କରିବା ସହିତ ପ୍ରସାଦ ସେବନ କରିଥିଲେ | ଏହି ଜନ୍ମଜୟନ୍ତୀ ଅବସରରେ ପୁରୀର ପୂର୍ବତନ ବିଧାୟକ ଜୟନ୍ତ କୁମାର ଷଡଙ୍ଗୀ, ପୁରୀ ଓକିଲ ସଂଘ ଉପସଭାପତି ବିଭୁ ଦତ୍ତ ପଟ୍ଟାନାୟକ , ଯୁଗ୍ମ ସମ୍ପାଦକ ଅନିଲ କୁମାର ସାହୁ, ସମୀର ଘୋଷଙ୍କ ସହିତ ଅନ୍ୟାନ୍ୟ ମାନ୍ୟଗଣ ବ୍ୟକ୍ତିତ୍ବ ଯୋଗଦାନ କରି ସମାଧି ଦର୍ଶନ ସହିତ ପ୍ରସାଦ ସେବନ କରିଥିଲେ l

ପୁରୀରୁ ରମେଶ ସାହୁଙ୍କ ରିପୋର୍ଟ