୬ରୁ ପଡିଆବାହାଲ ଧନୁଯାତ୍ରା,ଶୁଭଖୁଣ୍ଟି ସ୍ଥାପନା
ସମ୍ବଲପୁର:ପଡିଆବାହାଲ ଧନୁଯାତ୍ରା ପାଇଁ ରବିବାର ଶୁଭ ଖୁଣ୍ଟି ସ୍ଥାପନା ହୋଇଛି। ଆଗାମୀ ୬ ତାରିଖରୁ ୧୧ ତାରିଖ ପର୍ଯ୍ୟନ୍ତ ହେବାକୁ ଥିବା ଧନୁଯାତ୍ରା ପାଇଁ ଆନୁଷ୍ଠାନିକ ଭାବେ ଏହି ଶୁଭ ଖୁଣ୍ଟି ସ୍ଥାପନା କରିଛନ୍ତି ଦୁର୍ଗା ପୂଜା କମିଟିର ପୂର୍ବତନ ସଭାପତି ସୁବୋଧ କୁମାର ବେହେରା। ଏହି ଉତ୍ସବରେ ଦୁର୍ଗା ପୂଜା କମିଟିର ଅନ୍ୟାନ୍ୟ ସଦସ୍ୟ ମାନଙ୍କ ସହିତ ଧନୁଯାତ୍ରା କମିଟିର ସଭାପତି ପ୍ରମୋଦ କୁମାର ମଗର, ସମ୍ପାଦକ ସଞ୍ଜୀବ ଭୋଇ ପ୍ରମୁଖ ଉପସ୍ଥିତ ଥିଲେ।ପ୍ରାରମ୍ଭରେ ମା ମାଉଲିଙ୍କ ଠାରେ ପୂଜର୍ଚ୍ଚନା ପରେ ଧନୁଯାତ୍ରା ହେବାକୁ ଥିବା ସାପ୍ତାହିକ ବଜାର ପଡିଆରେ ଶୁଭ ଖୁଣ୍ଟି ସ୍ଥାପନା କରାଯାଇଥିଲା।ପଣ୍ଡିତ ମହେଶ୍ୱର ନାୟକ ପୂଜା କାର୍ଯ୍ୟ ସମ୍ପାଦନ କରିଥିଲେ।
