ମା ଉମାଦେବୀ ଆଞ୍ଚଳିକ କଲେଜରେ ବିଶ୍ୱ ଏଡ଼ସ ଦିବସ ପାଳିତ

ଉଲୁଣ୍ଡା – ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ମା ଉମାଦେବୀ ଆଞ୍ଚଳିକ କଲେଜ ରେ ଯୁବ ରେଡକ୍ରସ ଓ ରେଡ ରିବନ କ୍ଲବର ମିଳିତ ସହଯୋଗରେ ଶୁକ୍ରବାର ବିଶ୍ୱ ଏଡ଼ସ ଦିବସ ପାଳିତ ହୋଇଛି l ଏହି ଅବସରରେ ଛାତ୍ରଛାତ୍ରୀ ମାନେ ବିଶାଳ ଶୋଭାଯାତ୍ରାରେ କଲେଜରୁ ବାହାରି କାଦୋଦର ଗ୍ରାମରେ ସ୍ଲୋଗାନ ଲିଖିତ ପ୍ଲାକାଡ ବ୍ୟାନର ଆଦି ମାଧ୍ୟମରେ ଏଡ଼ସ ରୋଗର କାରଣ, ନିରାକରଣ, ଲକ୍ଷଣ ଓ ଚି଼ହ୍ନଟ ଆଦି ବିଷୟରେ ଲୋକଙ୍କୁ ସଚେତନ କରିଥିଲେ l ଏହି ଅବସରରେ କଲେଜ ଅଧ୍ୟକ୍ଷ ବଲ୍ଲଭ ପୁରୋହିତଙ୍କ ତତ୍ୱାବଧାନରେ ଏକ ସଭା ଅନୁଷ୍ଠିତ ହୋଇଥିଲା l ଆଇ ଟି ଅଧ୍ୟାପକ ତଥା ଯୁବ ରେଡକ୍ରସ କାଉନସେଲର ଉଦ୍ଧବ ପଧାନ ସଭାକୁ ପରିଚାଳନା କରିଥିବା ବେଳେ କାଉନସେଲର ସନ୍ତୋଷ ସାହୁ ମୁଖ୍ୟ ଅତିଥି କଲେଜ ପରିଚାଳନା କମିଟି ସମ୍ପାଦକ ଚିତ୍ତରଞ୍ଜନ ପlଢି, ସି ଏଚ ଓ ଚିତ୍ତରୁପା ମିଶ୍ର, ଅନୁସୟା ଥନାପତି ସମ୍ମାନିତ ଅତିଥି ଭାବରେ ଯୋଗଥିଲେ l ଏହି କାର୍ଯ୍ୟକ୍ରମରେ ଅଧ୍ୟାପକ ସୁଶାନ୍ତ ଦେହୁରୀ,ଵାଳମକୁନ୍ଦ ବାରିକ, ସାଧନା ମେଲ୍ଲୀ, ଆଶିଷ ଦେହୁରୀ,ସୁଶାନ୍ତ ମିଶ୍ର, ବାଦଲ ଦେହୁରୀ ପ୍ରମୁଖ ସହଯୋଗ କରିଥିଲେ l