ନୀଳଗିରି କେ.ସି.ହାଇ ସ୍କୁଲ ପରିସରରେ ପ୍ରବେଶିକା ଉତ୍ସବ ଓ ଖଡ଼ି ଛୁଆଁ କାର୍ଯ୍ୟକ୍ରମ ଅନୁଷ୍ଠିତ।
ନୀଳଗିରି ( ଦେବାଶିଷ ଦାଶ ) ରାଜ୍ୟ ସରକାର ଙ୍କ ନୂତନ ଶିକ୍ଷାନୀତି ବାଲ ବାଟିକା ଯୋଜନାରେ ପ୍ରବେଶ ଉତ୍ସବ ଓ ଖଡ଼ି ଛୁଆଁ ଉତ୍ସବ ସମଗ୍ର ରାଜ୍ୟରେ ପ୍ରତ୍ୟେକ ପ୍ରାଥମିକ ସ୍କୁଲରେ ପାଳନ କରା ଯାଇଛି। ସେହି କ୍ରମରେ ନୀଳଗିରି କେ.ସି ହାଇ ସ୍କୁଲ ପରିସରରେ କୁନି କୁନି ପିଲା ମାନଙ୍କର ପ୍ରବେଶିକା ଉତ୍ସବ ଓ ଖଡ଼ି ଛୁଆଁ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଏହା ରାଜ୍ୟ ସରକାର ଙ୍କ ଗଣ ଶିକ୍ଷା ବିଭାଗର ନିର୍ଦ୍ଦେଶ କ୍ରମେ ପାଳନ କରା ଯାଇଥିବା ଜଣା ଯାଇଛି। ଏଥି ନିମନ୍ତେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବେ ନୀଳଗିରି ଉପ ଜିଲ୍ଲାପାଳ ଶୁଭଶ୍ରୀ ରଥ , ତହସିଲଦାର ସୋନମ୍ ଦାସ ,ବ୍ଲକ୍ ଶିକ୍ଷାଧିକାରୀଣି ସ୍ନିଗ୍ଧା ପଣ୍ଡା ,ବ୍ଲକ ଚେୟାରମେନ ଶୁଭ ଲକ୍ଷ୍ମୀ ମାଝୀ , ଏନ୍ ଏ ସି ଚେୟାରମ୍ୟାନ ମହେନ୍ଦ୍ରନାଥ ବେହେରା , ହାଇ ସ୍କୁଲର ପ୍ରଧାନ ଶିକ୍ଷକ ଭୀମସେନ ବିଶ୍ଵାଳ , ସୁରଞ୍ଜନ ମହାପାତ୍ର, ଲକ୍ଷ୍ମୀଧର ରାଉଳ ପ୍ରମୁଖ ମଞ୍ଚାସିନ ଥାଇ, ରାଜ୍ୟ ସରକାର ଙ୍କ ବାଲବାଟିକା ଯୋଜନାରେ ଆଜିର କାର୍ଯ୍ୟକ୍ରମ ସମ୍ପର୍କରେ ସବିଶେଷ ତଥ୍ୟ ରଖିଥିଲେ। କୁନି ପିଲାଟି ଯେତେବେଳେ ଶିକ୍ଷାରମ୍ଭ କରେ, ସ୍ଲେଟ୍ ରେ ତିନୋଟି ଗୋଲ ବୁଲେଇ(ଶୁନ ମୁଣ୍ଡଳା) ବ୍ରହ୍ମ ବିଷ୍ଣୁ ମହେଶ୍ୱର କହି ବିଦ୍ୟାରମ୍ଭ କରିଥାଏ ଯାହା ଆମ ଭାରତୀୟ ଓ ଉତ୍କଳୀୟ ସଂସ୍କୃତିର ଏକ ଅବିଚ୍ଛେଦ୍ୟ ଅଙ୍ଗ ବୋଲି ଆଜିର କାର୍ଯ୍ୟକ୍ରମରେ ଅତିଥି ମାନେ ମତ ପ୍ରକାଶ କରିଥିଲେ।୧୫ ରୁ ଉର୍ଦ୍ଧ୍ବ ଶିଶୁ ମାନଙ୍କୁ ମୁଖ୍ୟ ଅତିଥି ତଥା ସମ୍ମାନିତ ଅତିଥି ମାନେ ଖଡ଼ି ଛୁଆଁ କରାଇ ଥିଲେ । ଯୋଉଥିରେ ଅନେକ ଅବିଭାବକ ଏପରି କାର୍ଯ୍ୟକ୍ରମର ଉଚ୍ଚ ପ୍ରଶଂସା କରିଥିବା ଦେଖା ଯାଇଛି। ଅନ୍ୟ ପକ୍ଷରେ ହାଇ ସ୍କୁଲର ସମସ୍ତ ଶିକ୍ଷକ ଶିକ୍ଷୟତ୍ରୀ ଉକ୍ତ କାର୍ଯ୍ୟକ୍ରମରେ ଭାଗ ନେଇ କାର୍ଯ୍ୟକ୍ରମରେ ସହଯୋଗ କରିଥିବା ଦେଖା ଯାଇଛି।
