ବିଭିନ୍ନ ବିଦ୍ୟାଳୟରେ ଖଡ଼ିଛୁଆଁ ଓ ପ୍ରବେଶ ଉତ୍ସବ 

ବେଲଗୁଣ୍ଠା,୦୨/୦୪, ଆଜି ବେଲଗୁଣ୍ଠା ବ୍ଳକ୍ ର ବିଭିନ୍ନ ବିଦ୍ୟାଳୟରେ ପ୍ରବେଶ ଉତ୍ସବ ଏବଂ ଖଡ଼ିଛୁଆଁ ଉତ୍ସବ ପାଳିତ ହୋଇଯାଇଛି I ଏହି ଅବସରରେ ଆଜି କ୍ଷତ୍ରିୟବରପୁର ପିଏମ୍ ଶ୍ରୀ ନୋଡ଼ାଲ୍ ସରକାରୀ ଉଚ୍ଚ ବିଦ୍ୟାଳୟରେ ପ୍ରବେଶ ଉତ୍ସବ,ଖଡ଼ିଛୁଆଁ ଉତ୍ସବ ଏବଂ ବାର୍ଷିକଉତ୍ସବ ପାଳିତ ହୋଇଯାଇଛି I ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଲୋପାମୁଦ୍ରା ରଥଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ସୋରଡା ବିଧାୟକ ନୀଳମଣି ବିଷୋୟୀ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଜିତେନ୍ଦ୍ର କୁମାର ନାୟକ, ସ୍ଥାନୀୟ ସରପଞ୍ଚ କମଳା କୁମାରୀ ପ୍ରଧାନ,ଗାଙ୍ଗପୁର ଶରତଚନ୍ଦ୍ର ପଣ୍ଡା ସ୍ମାରକୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସୁରେନ୍ଦ୍ର କୁମାର ସାହୁ, ମହନ୍ତ ମହାରାଜ ରାମକୃଷ୍ଣ ଦାସ, ଆଲୁମିନି ଅଧ୍ୟକ୍ଷ ପ୍ରତାପ ଚନ୍ଦ୍ର ଶତପଥି, ସିଆରସିସି ଛାୟାକାନ୍ତ ମହାପାତ୍ର ,ମୃତ୍ୟୁଞ୍ଜୟୀ ପଣ୍ଡା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ I ବିଧାୟକ ଶ୍ରୀ ବିଷୋୟୀ ଛାତ୍ରଛାତ୍ରୀଙ୍କ ଉଜ୍ଜ୍ଵଳ ଭବିଷ୍ୟତ କାମନା କରିବା ସହିତ ବିଦ୍ୟାଳୟରେ ନିୟମିତ ଉପସ୍ଥିତ ରହିବା ପାଇଁ ପରାମର୍ଶ ଦେଇଥିଲେ I

ସେହିପରି ଗାଙ୍ଗପୁର ଥାନା ଅନ୍ତର୍ଗତ ସିଙ୍ଗିପୁର ଉଚ୍ଚ ପ୍ରାଥମିକ ବିଦ୍ୟାଳୟରେ ଖଡ଼ିଛୁଆଁ ଉତ୍ସବ ପାଳିତ ହୋଇଯାଇଛି I ଏହି କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ସବିତା ସ୍ୱାଇଁ, ସମାଜସେବୀ କାହ୍ନୁ ସ୍ୱାଇଁ ,ବିଦ୍ୟାଳୟ ପରିଚାଳନା କମିଟି ସଭାପତି ରୋଜୀତା ଗୌଡ଼,କମିଟି ସଦସ୍ୟ ଚୁମୁକିବେହେରା, ସୁଶାନ୍ତ ଜେନା,ଅଭିଭକକ ପ୍ରଭାକର ସ୍ୱାଇଁ, ଗେଲି ଗୌଡ଼, ଡାକ୍ତର ଗୌଡ଼, ଶିବ ଗୌଡ଼, ପ୍ରଭାକର ସ୍ୱାଇଁ, ସୁଶାନ୍ତ ବେହେରା ସହିତ ପ୍ରଧାନ ଶିକ୍ଷୟିତ୍ରୀ ଅଳକା ପଣ୍ଡା, ସହକାରୀ ଶିକ୍ଷକ,ପ୍ରଭାକର ବିଷୋୟୀ, ଯଜ୍ଞସେନି ପ୍ରଧାନ, ଗୀତାଞ୍ଜଳି ଦାସ,ଅଙ୍ଗନୱାଡ଼ି କର୍ମୀ ଅଞ୍ଜଳି ନାୟକ, ଶାନ୍ତିଲତା ଜେନା ପ୍ରମୁଖଙ୍କ ସହଯୋଗରେ ଆଜିର ଶିଶୁ ମାନଙ୍କ ବାଲ୍ ବାଟିକା କାର୍ଯକ୍ରମ ଉଦଘାଟିତ ହୋଇ ଯାଇଛି I