ଗୁଣୁପୁରର ଟପ୍ପର ହେଲେ ସୁବୁଦ୍ଧି ନୀତିଶ କୁମାର

ଗୁଣୁପୁରର ଟପ୍ପର ହେଲେ ସୁବୁଦ୍ଧି ନୀତିଶ କୁମାର |

ଗୁଣପୁର -(ସୁରେନ୍ଦ୍ର ମହାନ୍ତି )ଲଗାତାର ୪ର୍ଥ ବର୍ଷ ମଧ୍ୟ ବଂଶଧାରା ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ର ଛାତ୍ରୀ ମାନେ ଶତକଡା ଶତପ୍ରତିଶତ ହାର ସହ ସଫଳତା ହାସଲ କରିଛନ୍ତି I ଅନୁଷ୍ଠାନରେ ସର୍ବ ମୋଟ ୮୨ ଜଣ ଛାତ୍ର ଛାତ୍ରୀ ପରୀକ୍ଷା ଦେଇ ଥିବା ବେଳେ ତନ୍ମଧ୍ୟରୁ ପ୍ରଥମ ଶ୍ରେଣୀରେ ୭୨ ଜଣ , ଦ୍ଵିତୀୟ ଶ୍ରେଣୀରେ ୮ ଜଣ ଓ ତୃତୀୟ ଶ୍ରେଣୀରେ ୨ ଜଣ କୃତିତ୍ୱ ହାସଲ କରିଛନ୍ତି I ସୁବୁଧି ନୀତିଶ କୁମାର ୫୨୫ ନମ୍ବର ରହି ଅନୁଷ୍ଠାନର ପ୍ରଥମ ଓ ରାୟଗଡା ଜିଲ୍ଲାରେ ତୃତୀୟ ସ୍ଥାନ ବଜାୟ ରଖିଛନ୍ତି I ୨୦୨୦, ୨୦୨୧, ୨୦୨୨ ପରୀକ୍ଷା ବର୍ଷ ମଧ୍ୟ ଅନୁଷ୍ଠାନର ଶତପ୍ରତିଶତ ଫଳ ରହିଥିଲା I ଏହି ବର୍ଷ ମଧ୍ୟ ଶତପ୍ରତିଶତ ଫଳ ରହିଥିବା ଯୋଗୁଁ ଅନୁଷ୍ଠାନର ସଭାପତି ଲକ୍ଷ୍ମୀ ନାରାୟଣ ମହାଙ୍କୁଡ ସଫଳତାର ଶ୍ରେୟ ସମସ୍ତ ଛାତ୍ର ଛାତ୍ରୀ, ଅଧ୍ୟାପକ ଓ ଅଧ୍ୟାପିକା ଏବଂ ଅବିଭାବକ ଓ ଅବିଭାବିକା ମାନଙ୍କୁ ଦେଇଛନ୍ତି I ଉପ ସଭାପତି ଲାଡ଼ି ରାଜ କୁମାର, ସମ୍ପାଦକ ହରି କୃଷ୍ଣ ପୁରୁଷୋତ୍ତମ, ପ୍ରଶାସନିକ ଅଧିକାରୀ ସରୋଜ କୁମାର ଦାଶ ଓ ପ୍ରିନସିପାଲ ଅରୁଣ କୁମାର ପାଢ଼ୀ ପ୍ରମୁଖ ଉତ୍ତୀର୍ଣ ଛାତ୍ର Cଛାତ୍ରୀ ମାନଙ୍କୁ ଶୁଭେଚ୍ଛା ଜଣାଇବା ସହ ସେମାନଙ୍କ ଉଜ୍ଜଳ ଭଵିଷ୍ୟତ କାମନା କରିଛନ୍ତି I