ସୁସ୍ଥ ହୋଇ ଜଙ୍ଗଲକୁ ଫେରିଲା ଆହାତ ମାଈ ଜିଆଦ
ସୁସ୍ଥ ହୋଇ ଜଙ୍ଗଲକୁ ଫେରିଲା ଆହାତ ମାଈ ଜିଆଦ
ବୁଗୁଡ଼ା : ତା ୧୯/୦୬/୨୩ : ବୁଗୁଡ଼ା ବନାଞ୍ଚଳ ଅନ୍ତର୍ଗତ ଭଗବାନପୁର ଫରେଷ୍ଟ ବିଟ୍ ଇଲାକାରୁ ଆହତ ଅବସ୍ଥାରେ ଉଦ୍ଧାର ହୋଇଥିବା ଏକ ମାଈ ଜିଆଦକୁ ଜଙ୍ଗଲରେ ଛଡା ଯାଇଥିବା ଜଣାଯାଇଛି । ପ୍ରକାଶ ଯେ,ଗତ ଶୁକ୍ରବାର ଦିନ ଖାଦ୍ୟ ଅନ୍ବେଷଣରେ ଏକ ମାଈ ଜିଆଦ ଭଗବାନପୁର ଫରେଷ୍ଟ ବିଟ୍ ଅଞ୍ଚଳରେ ବୁଲୁଥିବା ବେଳେ କୁକୁର ପଲ ହାବୁଡରେ ପଡିଯାଇଥିଲା । କୁକୁର ପଲର ଆକ୍ରମଣରେ ଜିଆଦଟି ଆହତ ହୋଇଥିଲା । ସେଠାରେ ଥିବା କିଛି ଲୋକ କୁକୁର ପଲକୁ ଘଉଡାଇ ଜିଆଦଟିକୁ ଉଦ୍ଧାର କରିଥିଲେ । ଏ ନେଇ ଖବର ପାଇବା ପରେ ବନ ବିଭାଗ କର୍ମଚାରୀମାନେ ପହଞ୍ଚି ସେଠାରୁ ଆହତ ଜିଆଦଟିକୁ ବୁଗୁଡ଼ା ବନ ବିଭାଗ କାର୍ଯ୍ୟାଳୟକୁ ଆଣି ତା’ର ଚିକିତ୍ସା ବ୍ୟବସ୍ଥା କରାଇଥିଲେ । ପ୍ରାୟ ତିନି ବର୍ଷର ସେହି ଜିଆଦଟି ସୁସ୍ଥ ହେବା ପରେ ଆଜି ତାକୁ କିରିଆମ୍ବା ଜଙ୍ଗଲରେ ଛାଡି ଦିଆଯାଇଥିବା ଜଣାଯାଇଛି ।
