ପାରଳାଖେମୁଣ୍ଡି ଆଦର୍ଶ ଥାନା ଅଞ୍ଚଳରୁ ବୁଲେଟ ଚୋରୀ, ଚୋର ମାନଙ୍କ ଚରାଭୂଇଁ ପାଲଟିଅଛି ପୋଲିସ ନିଷ୍କ୍ରିୟ
ପାରଳାଖେମୁଣ୍ଡି:୩୦/୩ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହରାଞ୍ଚଳ ଦୁବୃତ୍ତଙ୍କ ଚୋରାଭୂଇଁ ପାଲଟିଥିବାର ଆଲୋଚନା ହେଉଛି । ସହରାଞ୍ଚଳରେ ଦିନକୁ ଦିନ ଚୋରି ସଂଖ୍ୟା ବୃଦ୍ଧି ପାଉଥିବା ବେଳେ ଦୁର୍ବୃତ୍ତଙ୍କ ଟେର ପାଉନାହିଁ ପାରଳାଖେମୁଣ୍ଡି ଆଦର୍ଶ ଥାନା ପୋଲିସ । ଗତକାଲି ମଧ୍ୟରାତ୍ର ତଥା ବଡି ଭୋର ସମୟରେ ଦୁଇ ଜଣ ଦୁର୍ବୃତ୍ତ ପାରଳା ସହର ଉପକଣ୍ଠସ୍ଥ ଦେବୀତି ଗ୍ରାମ ନିକଟରେ ଥିବା ମିଶ୍ର କମ୍ପେ୍ଲକ୍ସ ଠାରୁ ଓଡି ୦୭ଜେଡ ୧୨୨୧ ନମ୍ବର ବିଶିଷ୍ଠ ବୁଲେଟକୁ ଚୋରି କରିଥିବାର ଜଣାପଡିଛି । ଘଟଣା ସମ୍ପର୍କରେ ଖବର ପାଇ ପାରଳା ଆଦର୍ଶ ଥାନାର ତପନକୁମାର ପାଢୀଙ୍କ ନେତୃତ୍ୱରେ ଏକ ପୋଲିସ ଟିମ୍ ପହଞ୍ଚି ତଦନ୍ତ କରି ଫେରିଥିବାର ଜଣାପଡିଛି । ଚୋରି ହେଉଥିବା ଦୃଶ୍ୟ ସିସିଟିଭିରେ କଏଦ ହୋଇଥିବାର ଦେଖିବାକୁ ମିଳିଛି । ଦୁର୍ବୃତ୍ତମାନେ ମୁହଁରେ କପଡା ଗୁଡାଇ ଆସି ବୁଲେଟ ଗାଡିର ହେଣ୍ଡଲ ଲକ୍ ଖୋଲି ପଳାୟନ କରୁଥିବା ଦୃଶ୍ୟମାନ ହେଉଛି । ହେଲେ ମୁହଁରେ କପଡା ଗୁଡାଇ ଦେଇଥିବାରୁ ଚିହ୍ନାପଡୁନାହାନ୍ତି । ଅପରପକ୍ଷରେ ପାରଳା ସହରାଞ୍ଚଳରେ ପୋଲିସ ପେଟ୍ରିଲିଂ ବ୍ୟବସ୍ଥା କଡାକଡି କରାଯାଉ ନଥିବା ଏବଂ ସ୍ଥାନେ ସ୍ଥାନେ ସିସିଟିଭି ନଥିବା ଯୋଗୁଁ ଦୁର୍ବୃତ୍ତଙ୍କ ଚରାଭୂଇଁ ପାଲଟିଥିବାର ସାଧାରଣରେ ଚର୍ଚ୍ଚା ହେଉଛି ।(ଗରୁଡ଼ ଧ୍ଵଜ ଚୌଧୁରୀ)
