ମୋହନା ବ୍ଲକରେ ଲକ୍ଷ୍ମୀ ବସ ଶୁଭାରମ୍ଭ କଲେ ମୋହନା ପଞ୍ଚାୟତ ସରପଞ୍ଚ

ମୋହନା ବ୍ଲକରେ ଲକ୍ଷ୍ମୀ ବସ ଶୁଭାରମ୍ଭ କଲେ ମୋହନା ପଞ୍ଚାୟତ ସରପଞ୍ଚ
ଗଜପତି ମୋହନା ବ୍ଲକକୁ ରାଜ୍ୟ ସରକାର ଯୋଗାଇ ଦେଇଥିବା ପାଞ୍ଚଟି ବସ ମୋହନା ବ୍ଲକ ଠାରେ ପହଞ୍ଚିଛି। ଏହି ବସ ଗୁଡ଼ିକ ମୋହନା ବ୍ଲକର ଦୁର୍ଗମ ପାହାଡ଼ିଆ ଅଞ୍ଚଳ ଗୁଡ଼ିକୁ ଯାଇ ଲୋକଙ୍କୁ ସେବା ଯୋଗାଇବ। ଏହି ବସର ସୁବିଧା ନେଇ ଦୁର୍ଗମ ଅଞ୍ଚଳରେ ରହୁଥିବା ଜନସାଧାରଣ ଏହାର ସୁବିଧା ନେଇ ନିଜର ଅବାଭ ଅସୁବିଧା ଦୂର କରିପାରିବେ ବୋଲି ସରକାର ଏହି ଯୋଜନା ଆରମ୍ଭ କରିଛନ୍ତି। ଆଜି ମୋହନା ବ୍ଲକ ସଦର ପଞ୍ଚାୟତରେ ସ୍ଥାନୀୟ ସରପଞ୍ଚ ଶ୍ରୀମତୀ ସୁନୀତା ମଲ୍ଲିକ ଆନୁଷ୍ଠାନିକ ଭାବେ ଯୋଗ ଦେଇ ମନ୍ତ୍ର ପାଠ କରି ବସ ଗୁଡ଼ିକ ଶୁଭାରମ୍ଭ କରିଛନ୍ତି। ଏହି କାର୍ଯ୍ୟକ୍ରମରେ ସ୍ଥାନୀୟ ପଞ୍ଚାୟତ ନିର୍ବାହୀ ଅଧିକାରୀ ଲକ୍ଷ୍ମୀ ନାରାୟଣ ପାତ୍ର ( ପିଣ୍ଟୁ) ଏବଂ ବିଭାଗୀୟ କର୍ମଚାରୀଙ୍କ ସମେତ ଅନ୍ୟାନ୍ୟ କର୍ମଚାରୀ ପରିଚାଳନା କରିଥିବା ବେଳେ ମହିଳା ସ୍ୱୟଂ ସହାୟିକା ଦଳ ର ଶତାଧିକ ମହିଳା ଏହି କାର୍ଯ୍ୟକ୍ରମରେ ସହଯୋଗ କରିଥିଲେ। ଏହି ବସ ଗୁଡ଼ିକ ମୋହନା ବ୍ଲକର ୩୯ ଟି ଗ୍ରାମ ପଞ୍ଚାୟତର ଜନସାଧାରଣଙ୍କ ସେବାରେ ଆସିବ ବୋଲି ଜିଲ୍ଲା ବିଜେଡି ସଭାପତି ଜଗବନ୍ଧୁ ଦାସ ପ୍ରକାଶ କରିଛନ୍ତି।