ଗଞ୍ଜାମ ବ୍ଲକ ରେ ନୂତନ ହିତାଧିକାରୀଙ୍କୁ 3 ମାସ ର ଭତ୍ତା ବଣ୍ଟନ …
ଗଞ୍ଜାମ -ପ୍ରଦୀପ କୁମାର ପଣ୍ଡା
ଗଞ୍ଜାମ ବ୍ଲକ ସଭା ଗୃହ ରେ ଶନିବାର ନୂତନ ହିତାଧିକାରୀ ଙ୍କୁ ଏକା ଥରେ 3ମାସର ଭତ୍ତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ ଏହାର ଶୁଭାରମ୍ଭ କରିବା ସହ କୌଣସି ଯୋଗ୍ୟ ହିତାଧିକାରୀ ଏହି ଯୋଜନାରୁ ବାଦ ପଡିବେ ନାହିଁ ଯଦି ଅକ୍ଷମ ହିତାଧିକାରୀ ଆସି ପାରୁ ନାହାନ୍ତି ସେମାନଙ୍କୁ ଘରକୁ ଯାଇ ଟଙ୍କା ଦେବାପାଇଁ ମତବ୍ୟକ୍ତ କରିଥିଲେ l ବ୍ଲକ ଅଧକ୍ଷା ଶର୍ମିଷ୍ଠା ପ୍ରଧାନ, ବିଡ଼ିଓଅଚ୍ୟୁତ ଯାନୀ, ଏବିଡ଼ିଓ ଭବାନୀ ଶଙ୍କର ପ୍ରଧାନ, ସହକାରୀ ନିର୍ବାହୀ ଯନ୍ତ୍ରୀ ସୁଶୀଲ କୁମାର ପଣ୍ଡା ପ୍ରମୁଖ ମଞ୍ଚାସିନ ଥିଲେ l ଶିକ୍ଷକ ନିରଞ୍ଜନ ମହାପାତ୍ର କାର୍ଯ୍ୟକ୍ରମ ସଂଯୋଜନା କରିଥିଲେ l ଏହି ଅବସରରେ ଗଞ୍ଜାମ ବ୍ଲକର 15 ପଞ୍ଚାୟତର 306 ଜଣ ହିତାଧିକାରୀଙ୍କୁ ବିଭିନ୍ନ ଭତ୍ତା ବଣ୍ଟନ କରାଯାଇଥିଲା l ସାମାଜିକ ସୁରକ୍ଷା ଏବଂ ଭିନ୍ନକ୍ଷମ ଶଶସ୍ତ୍ରିକରଣ ବିଭାଗ ଓଡିଶା ସରକାରଙ୍କ ପକ୍ଷରୁ ସମସ୍ତ ଯୋଗ୍ୟ ବିବେଚିତ ତିନି ମାସର ଭତ୍ତା ପ୍ରଦାନ କରିଥିଲେ ବିଧାୟକ l
